Museveni (owookubiri ku ddyo) n’abagole.
Bya Robert Mutebi
PULEZIDENTI Museveni awadde bannayuganda amagezi okuwasang’ana mu mawanga ag’enjawulo kikeendeze entalo z’amawanga n’obutakkaanya obuliwo.
“Kye mukoze kinsanyusizza era nsiimye, Omusoga okufumbirwa Omunyankole. Guno gwe musingi gw’okulwanyisa ebizibu mu maka n’eggwanga kubanga mwembi mufuuse omuntu omu,” Museveni bwe yategeezezza.
Bino yabyogedde ku Lwomukaaga ku mbaga ya Fiona Awaka (muwala wa minisita Daudi Migereko ow’amasanyalaze) ng’agattibwa ne Owen Muragura ku Lutikko y’e Nakaasero.
Museveni yawadde abagole ente bbiri mu nsimbi enkalu.
Ate minisita w’obutebenkevu bw’eggwanga, Amama Mbabazi yasabye abagole balowooze ku kuzaala kubanga eggwanga likula bantu.
Kitaawe w’omugole omuwala, Daudi Migereko yakuutidde abufumbo okukozesa omukwano ng’ekisumuluzo ky’amaka amalungi, era agateredde.
Bukedde
Published on: Monday, 4th August, 2008
Nze kyennebuuza, bwolaba omuntu akulemye okukolagana naye nga omuwasa/omufumbirwa nga ebizibu byammwe biggwaawo? Eno Phylosophy ya kika ki? Yali ekoledde ani? Wwa?
Mbadde ngamba nti mukutegeragana abantu bwebasoborera okuwasangana? Ate eri mu bannaffe President gyaava yyo mumala kulaba nga mukyawaganye ekisemba olwo nemwegattta mu bufumbo nebuvumula amayisa amabi nebyonna ebibeera bibatabula? Bino ayali abiwuliddeko ayambe. Naye wabula kitalo. 
ate bambi neyewomeleza bulungi.Ndowoza kabadde kabonelo ka kukatiriza kyeyabadde ayogedeko mbu "Muwase mu mawanga amalala"
