Abantu beeyiye mu Kiggunda kya Simba



Sophie Nantongo ng’akooka eggulo.



Bya J. Sseguya ne Richard Ssemakula



WADDE ng’enkuba yatonnye eggulo mu Kampala wakati, tekyagaanyi bacakaze kuggweera mu kisaawe e Nakivubo awaabadde Ekiggunda kya leediyo Simba ng’ejaguza emyaka 10.



“Ayi Mukama ani aloga….naye ffe aba Simba tetulemwa….kale muwage..muwage,” bw’atyo kalaabaalaba w’omukolo, Charles James Ssenkubuge ‘Siasa’, aweereza Pulogulaamu ya Binsangawano buli ku makya bwe yagambye olwo abacakaze abaabadde badduka okugyeggama ne bakomawo, ‘ekintu’ ne kikwata akati ng’enjogrera bw’eri.



Buli eyabadde ayingira ekisaawe e Nakivubo ng’aweebwa akatambaala aka kyenvu, langi ya MTN eyatadde ssente mu kivvulu kino ekyakeesezza obudde.



Ekivvulu kyatandise ssaawa ttaano ez’emisana n’amazina Amaganda era zaagenze okuwera ssaawa ssatu ez’ekiro ng’abawoomerwa ebbidde baatamidde dda nga n’abamu batandise okwesogga ebisegguusi, balye ku bulamu ne baganzi baabwe.



Abayimbi abasoba mu 100 omwabadde Sophie Nantongo eyasuddemu ‘Amaggwa’ ekisaawe ne kicankalana nga bamubuuza amaggwa agamufumita gye gali. Abalala abaayimbye ng’obudde tebunakunira mwe mwabadde Mathias Walukagga, Willy Mukaabya, aba Fire Base Crew abaayimbye oluyimba lwa ‘Juba’ olwacamudde abantu bakira abeeyita ‘abaana ba Gheto’ ggwe wamma ne lwogooma.



Abakozi ba Leediyo Simba omuli Omulangira Ndausi, Charles Ssenkubuge Siasa, Connie Nalugwa, Wagguma Kisule n’abalala bakira bajja ku siteegi ne bazannya obuzannyo bwe batera okukola ku leediyo Simba, bo kye baayise okuleeta situdiyo mu bantu.







Published on: Sunday, 6th July, 2008



WAKILI OKUSIBA NOKUSULA ENJALA NAYE NGA MUNA_U AKYAKADDE.OBU NUMBER BUKOLA..

ugandan musicians------and artist long live

Kibadde kika mu luwombo lwa Beat

David Lutalo ng’azina n’omukazi mu Luwombo lwa Beat FM.

Bya Meddie Musisi, Josephat, Sseguya ne Richard Ssemakula

WADDE nga tebaagabye mpombo ntongole, abawuliriza ba leediyo ya Beat FM baalidde empombo ze baabadde beegulira nga bakirako abeekulisa ekkomera. Bino byabadde mu kivvulu kya Luwombo olwa Beat FM ku Ssande mu kisaawe e Nakivubo.

Abantu okuva mu bitundu by’eggwanga eby’enjawulo beeyiye e Nakivubo okujagulizaako Beat FM ng’eweza emyaka 4 ng’eweereza Bannayuganda. Abayimbi abasoba mu 200 abakulu n’abato baacamudde abadigize okuva ku ssaawa ttaano okutuukira ddala eyo matumbibudde.

Ruth Wanyana eyabadde kalabaalaba w’omukolo yasibye obuggya ku mpagi n’ayita muggya we Mariam Ndagire ajje ayimbe olwo enduulu n’etta abalabi. Ku ssaawa ssatu ez’ekiro baasaze keeki gye baagabudde abadigize. Abantu baavuddeyo nga batenda olw’entegeka ey’omulembe.



MWEBALE KUSINDIKA KANAMBAAAAAAAAAAAAAAAAAAA