YA MUMANSA

ZIRIDDAMU lwe yadduka ekinyoolankoto ekyali mu Uganda n’addukira e Kenya, Bannakenya baamubuuza nti, “lakini nyinyi waganda mulikuwaje?”. Ekivvuunulwa nti mmwe Bannayuganda mwaba ki?



Olwaleero n’e Kenya eguddeyo ekinyoolankoto, Bannakenya badduse ekibabu ne beeyiwa mu Uganda era kati luwalo lwa Ziriddamu naye okubabuuza nti, ‘Bannakenya mubadde ki?’.



Okudwadwalikana okubadde mu Uganda emyaka emingi nga kuva ku bikolwa bya bannabyabufuzi eby’obubbi n’obutemu, ebikolwa by’ebimu ebyo ebireese akasambattuko e Kenya, n’abaayo ne batuuka okuddukayo okunoonya obubudamo ku miriraano nga Bannayuganda bwe babadde bakola.



Kyakusaalirwa kunene kubanga newankubadde Abazungu baatuleetera Baibuli n’Abawarabu ne baleeta Kuraani, ebitabo ebyo ebitukuvu bituyambe mu kuleetawo amazima n’obwenkanya mu nsi, kyokka ebyo bye bitabo bannabyabufuzi bye beeyambisa mu bikolwa byabwe eby’obubbi n’obutemu.



Anti ebyavudde mu kulonda kw’e Kenya olwalangiriddwa, mangu ago Pulezidenti Mwai Kibaki n’akwata Baibuli n’akoowoola Katonda mu kukulembera n’okufuga Kenya mu mazima n’obwenkanya.



Kyokka nga ago amazima n’obwenkanya Kibaki bye yabadde asaba Katonda ng’akutte ne Baibuli agiwanise, gaabadde gabbiddwa dda!



Okuwangula kwe kwesigamiziddwa ku bululu obubbe era olwo amazima gaabadde gasaabulukuse nga n’ekisigadde ye Raila Odinga kuduumira lutalo lw’okuyiwa omusaayi olwafiiriddemu abantu abasoba mu 500 era olwatuusizza n’abalala okuddukira ku miriraano.



Ebyobufuzi eby’ekikumpanya Baibuli ne Kulaani bizimaliddemu ddala ekitiibwa mu Afrika yaffe eno.



Era bwe waba nga wakyaliwo eky’okutaakiriza, leka olwaleero bannaddiini basitukiremu basabe ebitabo ebyo ebitukuvu biggyibwe mangu mu by’obufuzi.



Kino kinene nga kya wasuze otya, eky’abakulembeze baffe okukwatanga





Adwadwalikanye lwa bannabyabufuzi abatusiba ekiwaani nga bakozesa Baibuliebitabo ebitukuvu ne balayira okukulembera mu mazima n’obwenkanya kyokka ne baba nga batusiba kiwaani,





bagenda kutunyagulula, kutudwadwalikanya n’okututting’anya!

Ate nga n’okuyiga tebayiga.



Bwe kiba nti okubba obululu kye kikyankalanyizza Kenya, tosuubira nti ab’ewaffe ku muliraano balina kye bayize, nedda.



Enkya oba luli, ebyo byennyini ebikyankalanyizza Kenya, era by’ebijja okweyongera okukolebwa ne wano era tukyankalane, mpozzi n’okusinga bwe twali tukyankalanyeeko.



Era Ddwaddwaddwa Mumansa awo we nsinziira okukikinala ne mbuuza nti, “ lwaki mutusiba ekiwaani ne mukwata Baibuli ne Kulaani ne mulayira okutufuga mu mirembe n’obwenkanya so nga mukimanyi nti muli nkucwa zennyini?”



Published on: Wednesday, 9th January, 2008 from bukedde[img size=150][/img]

Omumbejja thanks for the article,naye katuni(cartoon) elinga gyewakubye gwe mwenyini ne pencil.Did you or did you not?

Abange ABAGANDA katunni eno ettujukizza M7 mu 1986 nga amazze okutta ABAGANDA 300.000 mu Luwero !! Asaaba Katonda ?!! Katti ayagala kujjawo BUGANDA, bwagezako BUGANDA ejja mulaga enkola okusinga nebili e KENYA !!



NZE M7 NDAYIRA

OKUFUGA ENSI ENO UGANDA

MU MIREMBE N'AMAZIMA, SO GOD HELP ME !!!!!!!!!!!!!!!!!!!!!!!!!!!!!!!

What a big lier !!

simanya omumbejja omuyita wakusema yakugamba luli nti bwebigaana okugya agenda byekwatira ngogamba alimba !oba omutegera otya?

Museveni yeesonyiye Mmengo ku ttaka



Walusimbi ne Atubo



Bya Ahmed Mukiibi ne Richard Kayiira



GAVUMENTI esazeewo okuteesa obutereevu n’abakulembeze abenjawulo mu Buganda ku nsonga z’ettaka oluvannyuma lw’enteeseganya za Museveni ne Mmengo okugwa obutaka.

Pulezidenti yalagidde minisita w’Ebyettaka Omara.



Atubo y’aba atuukirira Mmengo afune ebirowoozo byabwe ku tteeka lino. Bwatyo Atubo kwe kuwandiikira Katikkiro omuggya, Ying. J B Walusimbi ng’amusaba ebirowoozo bya Mmengo.



Ebbaluwa ya Atobo eri Katikkiro nga January 9, kwassiddwako kkopi z’ebbago ly’etteeka ly’ettaka 500 ze yamusabye aziwe baminisita ba Kabaka, Abataka, ababaka b’olukiiko, Abamasaza n’abakungu ba Ssaabasajja abalala.



“Gavumenti ejja kwebuuza ku bantu bonna abakwatibwako. Tusaba Mmengo nayo ewe ebirowoozo ku tteeka lino”, ebbaluwa ya Atubo bwe yagambye.



Mu nteekateeka ya Gavumenti okutwala etteeka lino mu bantu, Atubo agenda kutalaaga disitulikiti za Buganda asisinkane enkiiko za disitulikiti n’okutuuza Bassentebe b’amagombola ne bakansala abannyonnyole ebirungi ebiri mu tteeka n’okukola Gavumenti ky’eyise okulimbulula obulimba bwa Mmengo nti etteeka lireeteddwa kubba ttaka.



Katikkiro wa Uganda Polof. Apolo Nsibambi ayise olukung’aana olwa bannadiini ab’enzikiriza ez’enjawulo okuli Abasiraamu, Abakristaayo, Abakatoliki, Abadiventi, Abasodokisi n’Abalokole abasomese ku birungi ebiri mu tteeka.



Olukiiko lujja kubeera mu kizimbe kya Statistics House nga January 23. Bonna abayitiddwa baweerezeddwa kkopi y’ebbago ly’etteeka ly’ettaka.



Pulezidenti Museveni yali ategese okusisinkana Kabaka leero ku Lwokutaano kyokka akafubo ne kongezebwayo oluvannyuma lwa Mmengo okumuwandiikira ng’emusaba

Asooke kuddiza Buganda mayiro 9000, ettaka ly’ebibira n’entobazi eriweza mayiro 1500, ne mayiro 160 ez’embuga z’amasaza n’amagombolola , n’okuyimiriza etteeka ly’ettaka n’etteeka erikyusa ensalo za Kampala.



Kino gavumenti yakirabye nga kiremya kubanga ebintu ebisinga MMengo by’esaba byetaaga kukyusa mateeka omuli ne konsitityusoni.



Atubo bw’anaamala okusisinkana abakulembeze b’omu Buganda, ajja kutalaaga ebitundu by’eggwanga ebyenjawulo ng’asomesa abaayo ku tteeka ly’ettaka.



Etteeka lyakyusiddwa mu nnimi ezenjawulo ne liweerezebwa mu bitundu by’eggwanga eby’enjawulo era ba RDC baweereddwa ebiragiro okulisasaanya n’okulinnyonnyola.



Atubo yategeezezza nti etteeka ligenda kwanjulwa mu palamenti amangu ddala ng’evudde mu luwummula.





Published on: Thursday, 10th January, 2008



Email this article to a friend.













© Copyright The New Vision, 2000-2008. All rights reserved.

ABAGANDA MWENNA N'ABAKULEMBEZE BA BUGANDA MUSIGALE NGA MULI BANYWEVU MU KIFO KYEMWAKWAATA KU NSONGA Z'ETTAKA! TEMUSEGUKAWO OBA TEMWENYEENYA NAKAMU. MUJUKIRE BULIJJO NTI ERINYO GYERIKOMA OKUNYEENYA GYERIKOMA NOBUTALWAWO KUKULIBWA!

ETTAKA LYA BUGANDA YE NNONO Z'ABAGANDA, BWELITWALIBWA NGA NAMWE MUGENYA, OLWO NGA EGWANGA LY'ABAGANDA LISIGADDE KUSOMEBWA MU BYAFAAYO!! NGA BALI BA "INKAS" ABAALINA EGWANGA ERYAMAANYI ENNYO MU AMERIKA MU MIREMBE EGYEDDA NGA N'ABAZUNGU TEBANASENGA MU AMERIKA! KABAKA YE NAMUNSWA W'EKISWA KY'ABAGANDA! BWEBAMUJAWO NGA EKISWA KIFUDDE NGA N'ENKUYEGE (ABAGANDA) NAZO ZIFUDDE ! ABO BA NSIBAMBI BALINGA YUDA EYALYA MU YEZU KURISTU OLUKWE, BAGENDA NABO KWETUGA BWEBALIMALA OKUTEGEERA ENSOBI KATI GYEBAKOLA KU SAAWA ENO!

TAX