Kasita ensi egwaamu amateeka obuntu bulamu ne mmizi byonna ebikolobero bikolebwa oli nanaaba ensonyi mu maaso nazikuba enkoto .E byobuwangwa byaffe nokuyingiramu abagwiira nebatandika okugula nokutwaala ettaka lyobuwangwa bwaffe lyaffe ffenna Abaganda sosi abolulyo olulangira lwokka kuba nange kulwange sagala nkeere enkya nga bajjajja bange babasenze kuba oli anoonyaamu ensimbi ezamangu naguzaawo omuntu atalina nakakwaate konna ku ani gwasenda nazimbawo Gas station .

Kino kyaali kintuuseeko nebasenda omuntu wange kyokka eyamusenda naye teyatulawo kubugumya kifo bamusanga mu Namanve ngabamusaze obulere, Neyamuddira mubigere naye era abokukyaalo bamussa miggo, Kati kyesimanyi oba gwebasenda yemunyiivu, naye na buli kati lwenkirowooza mpulira okunyolwa. Waliwo abatassa kitiibwa mu bintu bya bannaabwe.Teri muntu ayinza kwekwaasa kutunda bintu bya Gwanga ddamba kiringa omuntu omu bwatakkirizibwa kutunda bijja ebyekika .



KINO ABAGANDA MUTUULE MWEBUUZE SSINGA ABATUSOKAWO BWEBATI BWEBAVULUGA BUGANDA TWANDIGISANZEEWO?





Ekisinga okukwasa ennaku kwekuba nti abantu abatalumirirwa Buganda bagendera ddala mu baana abeyita abe Ngoma ne babakozesa nga nabo batunula . Singa ayagala okutunda akwaate ettaka erirye lyaaba atunda aleme kutumalirawo byabuwangwa byaffe kuba ayagala okwegagawaza amangu.Abaana bengoma mukyakola effujjo naye mujjukire nti bajjajja babalaba era kummwe kwebajja okuggukira babasomere bwiino yenna ate nga ekyo mukimanyi era mu bamanyi nobukambwe, nolweekyo teri kweyinula.

Onogamba otya omugwiira okussa ekitiibwa mu buwangwa bwo nga gwe nnyinibwo obukakkanyeeko obulenga . Engeri yonna gyetusobola okutaasa ettaka lyaffe kwekuwandiisa buli aliliko , eyalimuguza mmeka zeyaligula , nebimukwatako ebyo biri munsi yonna egyo emivuyo egiri e Buganda tolina walala wogisanga omuntu najja neyenyiga awantu nga talina wadde kintu kimwogerako. Nze ndowooza nti empisa nobuntu bulamu wamu nemmizi esokere kubantu abakulu , nabalala bebakulira bafune ekyokulabirako, Tetusobola kutereeza nsi yaffe nga mulimu abamu ababa beyisa nga basukkuluma kubalala. Kabaka okulamula entende nga nabantu balamula bantu balamu.

OBUNTUBULAMU BWEBUKOLA OMUNTU ,TUDDEYO KU MPISA ZAFFE EZEDDA EZEGOMBEBWANGA NAMAWANGA AMALALA

NYINI KIGGWA YAKIWEEBUULA



Bya Lilian Nalubega

ne Eria Luyimbazi



PULEZIDENTI Museveni ayingidde mu nsonga z'amasiro ga Ssekabaka Kiweewa e Masanafu n'alagira abagaliko obutaddamu kutunda, okugabako, okwazika oba okukolerako ekintu kyonna eky'obuwangaazi okutuusa ng’emivuyo gigonjoddwa.



Mariam Namayanja eyakiikiridde Museveni yategeezezza abatuuze nti Pulezidenti awandiikidde Kabaka ne Ssaabalangira n'abasaba bayingire mu nsonga z'ettaka lino kubanga ye nga Pulezidenti tasobola kugonjoola butakkaanya ku ttaka ery'ennono ng’abalivunaanyizibwako weebali.



Namayanja bino yabyogeredde mu lukiiko olwatudde ku Masiro e Masanafu. Lwetabiddwaamu abatuuze, , aduumira Poliisi ya Kampalamukadde eyakiikiriddwa OC. Augustine Kasangayiti, aba LC n'abaami ba Kabaka.



Kiddiridde Nnaalinnya w'amasiro gano Rehema Nalumansi okuwandiikira Pulezidenti nga yeemulugunya ku ngeri RDC wa Lubaga Zaina Muwonge, omulangira Isaac Ssimbwa n'omumyuka wa Katikkiro owookubiri e Mmengo, Yusufu Nsambu ku ngeri gye bakuttemu ensonga z'amasiro gano n'okumulemesa emirimu gye.



Published on: Monday, 28th April, 2008





Bino byebimu kubintu ebisinze okukoyesa Abaganda , kuba tulwaana kuzza ttaka lyaffe era twerwanako okweterereza ensonga zaffe nge Ggwanga ate ne tuba nti tukyalina abantu , abakyagenda ebunayira okwekubira enduulu , nga baleseewo wamu nokubuusa amaaso abakulu abateekwa okukola ku nsonga za Buganda. Kabaka tabaawo awatali bwa Kabaka , yalamula Obuganda wayinza okubaawo Nnalinnya awatali Kabaka?

Nnalinnya Nalumansi bwooba nga ettaka tewalitunda vvaayo ogambe Obuganda nti abaliriko besenza bokka nze siritundanga ,bwooba walitunda bulira abantu amazima nti osanga wali olowooza nti Amasiro gago kububwo nosalawo okugalenga, ekitali ekyo vva mu kulengezza obwakabaka bwaffe ngobubuusa amaaso ngogenda okunoonya ebitiibwa ewa Museveni ,Bwebaba nti abakusinze obukulu bakizudde nti emirimu gyo girimu akabuuzo lwaaki totuula nabo nomala ensonga , bwosangibwa nti tokyasobola mirimu kugitukiriza nga batekawo anagisobola .Abaganda babonye bonye ekimala kati tetukyetaaga oli atuula kuweebwa bitiibwa, wabula oyo yekka akolerera Obuganda okubutwaala mu maaso . Kati kye kiseera kya Buganda okuddamu okwezimba tukooye emigozobano

katulabbe ebidira----

Basonze ez’okuddaabiriza amasiro



Amasiro ga Ssekabaka Ssuuna e Wamala nga bwe gafaanana.



Bya Lilian Nalubega ne Rogers Kibirige



MINISITA omubeezi ow’ebyobulambuzi e Mmengo, Florence Nakiwala Kiyingi anenyezza Abaganda abatafaayo kumanya bigenda mu maaso mu bwakabaka bwabwe n’agamba nti be babulemesezza okukulaakulana



Yalumbye n’abeefunyiridde okuwamba ebintu bya Buganda n’okwogerera Mme-ngo ebisongovu.



Yabadde ku mukolo ogw’okusonda ensimbi ez’okuddaabiriza amasiro ga Ssekabaka Suuna II e Wamala ogwategekeddwa minisitule y’abakyala ne Bulungibwansi e Mmengo eya minisita Apolonia Mugumbya. Minisita yawaddeyo 3,000,000/- ku lwa minisitule ye.



Omukolo gwetabiddwako Minisita w’ebyobutonde n’amazzi mu gavumenti eya wakati, Maria Mutagamba eyawaddeyo 1,000,000/- n’akubiriza Abaganda okukolagana ne gavumenti eya wakati gye yagambye nti ejja kubayamba nnyo mu by’ensimbi.



Obukadde 900 ze zeetaagibwa mu mulimu guno. Bagguddewo akawunti nnamba Oil 2507403100 mu bbanka ya DFCU okusonderako ssente zino.



Ku mukolo baasondeddeko 7,162,000/.



Nnaalinnya w’amasiro gano, Sarah Nattu Bitabira yasiimye ebitongole ebivuddeyo okuyamba ku mulimu guno okuli n’ekya Nabugabo Updeal Joint Venture, emikutu gy’empuliziganya n’abantu ba ssekinnomu.



Published on: Sunday in Bukedde, 4th May, 2008



Ensonga zokuddabiriza ebiggwa tekwata nnyo ku sente nga bwekwata ku bavunanyizibwa okukuba ggwanga mujje era nebateesa olunaku olwokukola emirimu gino egya bulungi bwa nsi. Kyewaava wabeerawo abalabirira embiri zino namasiro, gwe mulimu gwaabwe guno. Ebiggwa bwebitunula bwebityo kizibu ensi obutabonabona. Kano kenyini kabonero kaabutemanya. Kitalo.

Yiii bannange kino kitalo nnyo. Era batusunga. Amasiro ga Ssekabaka Ssuuna okwonokena okutuuka wano, obuganda bwonna bwali butunulawa? Lwaki tebatandikirawo okukuba omulanga okugaddabiriza nga gakatandika okwononeka?



Nze ngamba nti anti omulanga tuguwulidde. Tulina okusitukiramu tuddabirize obuwangwa bwaffe. Buli omu atoole kyonna kyalinawo - anti lwooya lwamunyindo...

Oyinza okukitegeera nti bino ebitundu bili munsi yaffe ku mulembe guno nga bitunula bwebiti? tebereza ebikozesebwa tebyetaaga nakulagiriza wabweeru buli omu nebwatemayo emmuli ekkumi ne ssubi ekiganda kimu ekyaalo kimu kyokka kimala okuddabiliza ebitundu bwebiti bannange buli muziro mu Buganda gulina omulimu gwegukola mu mbiri lwaaki buli omu yesuliddeyo gwa naggamba ?

egyo emyoleso egiretebwa mu Mengo lwaaki tekutolebwaako sente zikola kubyetagisa kukola mukuddabiriza ebyobuwangwa byaffe oba sseekyo abakola emikolo egyo mufune ekifo ekirala, mulekelaawo okujjanga e Mengo okukolelayo ssente zammwe, muzimbe ebidaala awalala mwagala nnyo ebyobwereere.

Mengo mwafulayo kiduula kyammwe singa emikolo egikolebwa e Mengo gibe nga sente ezivaamu zikola ku bya Buganda byokka , ebyokulabirira ebifo byaffe ebyo buwangwa . Siraba nsonga lwaaki emikolo egitayamba nakuddukirira bintu byaffe ebyebbeyi nge byobuwangwa gikolebwa mukifo nga Mengo ekyo kyekimu kubifo ebyobuwangwa naye nayo ekyaliyo ebyetaaga okumaririza .Abategeka era nabaleeta emikolo egyokwekolera ssente mu Baganda mu Mengo mubeere nensonyi era mukyuuseemu mufune awalala awo kukolera ssente ekisooka ekolebwaayo buli kya mbyoone kyonna ekitakkirizibwa mu buwangwa bwaffe. . Tukooye abatukozesa ate nga batunyunyunta , tubasabye mukyuseemuko.



ABAKULU BE BIKA OMULIMU GWAMMWE MUGUSULIRIDDE MUKUNGE ABANTU TWEZZE OBUGGYA GWANGA MUJJE ATANDIKE BUTO OKUVUGA BINO EBINTU BYAFFE FFE TULINA OKUBILABIRIRA