This one is beautiful bravo bravo jj. You know why? Before the end I was saying "coward coward" but bless you.

what a wonderful advice----jeen-julia----thanks for that article

Mwewale okuganza bannakyeyombekedde

MULIYO mutya batabani bange? Leero njagala okubalabula ku bakazi abo bannakiyombekedde be mwegumbulidde okuganza ensangi zino.

Bangi mulina ensonga ze muwa ezibasikiriza okwagala abakazi bano, naye njagala okubategeeza nti kino kikyamu era mwesimira ntaana.

Wadde ng’abakazi ab’ekika kino balaga nti babaagala nnyo, naye musaana mukimanye nti ebizibu byonna bisibuka ku bakazi bano.

Endwadde z’obukaba baba na nfaafa kubanga eyo gye bayitira beegatta n’abasajja bangi ate ng’ebiseera ebisinga tebafaayo kwejjanjaba kuwona.

Weewaawo bamanyi okulaga laavu okusinga abawala abato, naye gye bakomya okukulaga laavu gye bakomya n’okukunyunyuntamu ssente okukkakkana nga bakulese sseke.

Jjukira abakazi abatuuse mu myaka gino baba tebalina kinene kye bakyeguya mu nsi okuggyako okweriira emyaka baba bali mu gya magoba.

Ggwe nno musajja wattu nga weemalamu. Ate bambi ebyo bye beekoza nga okubafukaamirira ebiseera ebisinga baba tebakiggya ku ntobo ya mutima, wabula babeera ng’abazannya katemba, ggwe olowooze nti ofunye omukazi akuwa ekitiibwa, era tayinza kubaako ky’akusabye n’otokimuwa.

Ggwe ate aba alabye bameka abamukwabudde? Era kiki ky’oba omulaga ekipya kyatalabangako alyoke akwagale ennyo okuggyako mpozzi okuba nti ggwe mu kisaawe oyinza okuba ng’omalayo essaawa nnyingi ko okusinga ku bannamukadde banne. N’okwekyo kirungi mubeewale.

Amazzi g’ekyama

EMIKOLO gy’omu kitanda okunyuma ng’omukazi alina ensulo ezitakalira. Era omusajja yenna amanyi okutambuza ennyintu nga tanneesogga buziba ky’asooka okukola kwe kukebera munne alabe oba asumuludde ttaapu, alyoke abeeko ne kye yeekolera.

Abakazi nabo olw’obutayagala baagalwa baabwe kubakazaako mannya ga ‘bannabukalu’, basala amagezi gonna okulaba nga bafuna agaseereza ekkubo.

Ekibi nti ate abasajja bangi wadde amazzi gano bagaagala nnyo batono ddala abagaggyamu enjawulo. Abasinga oluba okukwatayo ne babaako ne kye bawulira balowooza nti kiwedde, nga batandika kukavvula bintu.

Ekituufu kiri nti, amazzi g’abakazi galimu ebika bina, era omusajja amanyi eyayiga obulungi ekyeso bw’abaako ne munne afuba okulaba ng’ebika ebyo byonna abifuna.

Agaseerera: Gano ge gasooka okujja, era mu bakazi abamu okulowooza obulowooza ku munne ne bw’aba tali naye yeesanga gazze. Ate bw’abeera mu kiseera w’asuulira eggi kiyitirira. Gaba meeru nga ganaanuuka ng’eminyira. Abasajja abasinga oluwulira amazzi gano balowooza nti kiwedde, nga balowooza kwesogga buziba. Kino tekiba kituufu era y’ensonga lwaki abamu oluba okwesogga nga bamalamu akagoba.

Kiba kirungi n’olindako amazzi ago ne gasooka gakendeera n’olwoka oyingira ng’akaseerezi kakendedde.

Agakambira: Gano ge gaddako era bw’okwatayo oba bw’oteekayo omusekuzo owulira ng’awakambira. Kino kye kibeera ekiseera ekirungi okuyingira kubanga ebinywa bya nnabunnya bijja kuba bikukwata bulungi kubanga obuseerezi bujja kuba butono.

Agalimu obwovu: Akaboozi kafaananako omusogozi w’omubisi. Omubisi ogummuse obulungi ogulabira ku bwovu obujja, n’omanya nti gulamye. Ne mu kitanda, omusajja bw’aba omulimu agikoze bulungi, alabira ku mazzi agabeeramu obwovu. Mu kiseera we gajjira, nabunnya akola amaloboozi agafaanana aga kkapa enywa amata. Amazzi gano ge gateekateeka omukazi okumalamu akagoba era ggwe omusajja bw’ogalaba ng’omanya nti munno oliko w’omutuuse, era anaatera okumalamu akagoba.

N’olwekyo bw’oba okyali oyinza okusooka okusala ku sipiidi n’omusekuzo n’ogussa ebbali munno aleme kutuuka ku ntikko nga ggwe tonnaba, ate bw’oba nga naawe wayidde dda ng’oyagala mulaliremu kumu akagoba kino ky’ekiseera oggyeyo akakodyo akamusumulula mutuukire kumu mu ggulu.

Agabuguma: Gano gajja ng’omukazi amazeemu akagoba era omusajja bw’aba tayambadde kondomu agawulirira ddala nga galinga agamunaaza. Singa aggyayo omusekuzo mu kiseera kino gubeera ng’oguva mu ssupu.

N’olwekyo omusajja bw’otandika okwegatta kirungi weetegereze amazzi gano n’enkyukakyuka yaago kikuyambe okumalako.


Haaaa ekyebuzibwa kili nti muba nobude obwo okufayo okugajamu enjawulo?????

Mama nyabo, i have made some printouts so that i can do some revision during my free time.

Abalongo abasajja babamanyi enkozesa?

‘Kanteekeko wano ku kugulu bambi’. Bano baabadde Munyonyo nga banyumirwa empaka z’embuzi.

ABALONGO kye kimu ku bitundu abasajja bye basinga okwettanira ku bakyala be bagenda okumeggana nabo. Era ng’oyagala okumanya obwagazi bwabwe gye bukoma ku “bazaalibwa ababiri” bano, babeera bamalirivu okukola buli ekiri wansi w’enjuba okutuuka ku mukyala eyabeekuliza obulungi.

Eky’ennaku, bangi gye bakoma okubaagala ate n’obutamanya kubakozesa! Ng’oggyeeko okuba ng’abamu tebabamanyi, yadde we basangibwa, ate n’abo abagezaako ebiseera ebisinga babimala mu kubatunuulira!

Abakyala bayita mu bingi okwewunda n’olwekyo, kimalamu amaanyi munno okumutuukako ate bye yamala ebiseera ng’akuteekeratekera n’obiyitako ng’atabirabye!

Obwagazi bwe mulina eri abalongo temubukomya mu kuboogerako n’okubalingiza, wabula mu busse ne mu kuyiga engeri gye babakozesaamu.

Mu nnyinyonyola ennyangu, abalongo bakola ng’enzigi ebbiri eziggala ekkubo eriyingira mu nnyumba omuli ebibala olw’emigaso enfaafa. Bw’ojja ng’oyagala okuyingira,sooka okonkone. Munno ayinza obutakubuulira naye abalongo balina olususu olugonvu ennyo nti bw’otabeera mwegendereza, engeri yonna gy’obakwatako oyinza okumulumya. N’olwekyo, bw’oba obakwatako, tovumbagira bavumbagire ng’abanadduka wabula, okubanjuluza obulungi ate n’ejjonjebwa ng’akwata ekyatika. Jjukira nti ekyo ky’okwatako ssi ggumba wabula emisuwa n’olwekyo, bw’owulira ng’engalo zo si mpeweevu, oyinza okukozesa olulimi (munno alina okuba omuyonjo), oba ssemusajja yennyini.Ssemusajja ono nga wamutuuzizza bulungi ku balongo, asobola okubeggulira ate mu ngeri ne munno gy’ajja okunyumirwa naawe weewuunye kuba ennyonyoogeze n’okunyumirwa ebinaava mu mbeera eyo ojja kubirabira ku g’emugga g’anaafukumula. Jjukira nti ku balongo bano kw’olabira oba omukyala akwetegekedde, atali mu muudu n’akooye by’okola era fuba okubekkaanya.