Mulamuzi, omuwala eyansibya mmufiirako



Kabanda omusango yagukkirizza.



MATIA Kabanda 30, omusawo w’ekinnansi e Namulanda, Kayunga akkiriza okwegatta n’omuwala atanneetuuka kyokka n’alayira obutamuvaako kubanga yamutuuka wala. Alex Mwangu ye yabaddeyo mu kkooti y’omulamuzi Elizabeth Kabanda e Mukono ng’amuwozesa bwati:



Omulamuzi: Matia Kabanda avunaanibwa okwegatta mu mukwano n’omuwala ow’emyaka 15. Kituufu?



Kabanda: Kituufu naye omuwala ebintu by’omukwano yali abimanyi ky’ogamba yabiyigira ku mabeere? Omusango nzikirizza nnaguzza.



Omulamuzi: Omuwala wamubba ku bazadde be n’omutwala e Hoima ne mumalayo omwezi mulamba era wamuzza ng’omufudde mukazi wo.



Kabanda: Mulamuzi ebyo byonna bituufu omuwala namwagala.



Omulamuzi: Omusango gukusinze olina kyosaba kkooti?



Kabanda: Nsaba kunsonyiwa kubanga omuwala kati yazaala era yeetaaga obuyambi bwange. Nali ndozaako buloza naye haa alimu ssukaali muka era laavu gye yandaga ye yanziba amaaso. Yali yalya dda ebintu nga buli kimu akimanyi kubanga alina n’ebipya bye yandaga nga sibirabangako.



Omulamuzi: Ekyo tekitegeeza nti omuwala yali akuze. Naye olw’okuba ku limanda omazeeko ebbanga ddene ate nga ne bazadde b’omuwala baali beekobaanye naawe okubikkirira omusango, nkulabudde obutaddamu kubikkula mbugo za bawala bato.



Kabanda: Maama saagala nkulimbe omuwala eyansibya siyinza kumuvaako teriiyo amanyi mukwano nga ye. Abalala ng’enda kubaleka naye ono nfa naye oba kitegeeza kuddayo mu kkomera mmaliridde okuddayo



Owemyaka 15 ate abipya yabijawa gwe owa 30 byotalabangako? Ye sikatono agambe nti omuwala yeyamukaka akaboozi?

uhh oyo asaana kusibwa mayisa kuba bwebanaamuta ajja kudda kubwamyaka esatu!

Yiyiyi Jameerah nawe,alabika bwebamuta amalilidde kugenda noli gwe tolaba bweyamuwanye okukamala.Ate ekilungi nomusango yagukiliza naye oba abaana bano ebintu babiyonkela mumabeere??Kumyaka egyo naba nga kafulu...kyewunyisa!!!!

JeenaJulia wrote:

QUOTE:
Yiyiyi Jameerah nawe,alabika bwebamuta amalilidde kugenda noli gwe tolaba bweyamuwanye okukamala.Ate ekilungi nomusango yagukiliza naye oba abaana bano ebintu babiyonkela mumabeere??Kumyaka egyo naba nga kafulu...kyewunyisa!!!!:dry:

A ah ebintu tebikola bwebityo, okukkiriza mbu omusango yagukola tekitegeeza nti tagyakuddamu kuzza musango gwegumu ogwo oba mbu anaasigala noyo! Olowoza oyo kweyasokera alyoke agambe mbu yamuzuula mu ekyama abalala kyatabalabamu?!

Bwewegendereza ennyo oba nofumintiriza abaana bameka e Uganda abakakibwa omukwano naye nga na babakaka tebavunaanibwa oba kubwa mumbuga zamateeka?, Kale oyo omusajja ne bwebamusiba era aja kuzza musango gwegumu kumuwala mulala anaaba tannetuuka!